АЗ. ИСА (АС) ЖАНА АЗ. МЕХДИ (АС) ДООРУ ЖАНА АЛТЫН КЫЛЫМ

Пайгамбарыбыз (сав)дан риваят кылынган көптөгөн хадисте дүйнө жүзүндө Ислам ахлагы орной турган бир доор болооруна ишарат кылынат. «Алтын кылым (доор)» деп аталган бул доор, хадистерден да көрүнүп тургандай, «Асры Саадет» (Пайгамбарыбыз убагындагы бакыт доору) сыяктуу бир доор болот.

Адамдар алтын кылымда жашоолорунан ушунчалык ыраазы болушкандыктан, бир хадисте айтылгандай, «убакыттын кантип өткөнүн билбей калышат, сонун жыргалчылыктардан көбүрөөк пайдалануу үчүн Аллахтан өмүрлөрүнүн узарышын» тилешет. Пайгамбарыбыз (сав)дын башка бир сөзүндө Алтын кылымдагы абал мындайча сүрөттөлөт:

 

... Кичинелер аттиң чоң болгонумда, чоңдор болсо аттиң мен кичине болгонумда дешет... Жакшы адамдардын жакшылыгы көбөйөт, жамандарга да жакшылык кылынат.

(Kitab-ül Burhan Fi Alamet-il Mehdiyy-il Ahir Zaman, б. 17)

 

 

АЗ. МЕХДИ (АС) ДООРУНДА ЭЧ КЕЗДЕШПЕГЕН МОЛЧУЛУК БОЛУШУ

 

Үммөтүмдө Аз. Мехди (ас) бар. Адамдар ага келишип: «Эй Мехди! Мага да бер, мага да бер!» дешет; Аз. Мехди (ас) болсо анын этегин көтөрө алышынча толтурат. (Tirmizi, Fiten, B. 53, H 2223; İbn Mace, Fiten, B 34, H 4083)

 

Үммөтүмдүн арасында Аз. Мехди (ас) болот. Менин үммөтүм ал доордо ушундай бир байлыкка жетет, ал күнгө чейин эч качан андай болгон эмес. Жер жемишин (азыктарын) берет жана адамдардан эч нерсе жашырбайт (бербей койбойт). Мал-мүлк да ал күнү өтө көбөйгөн болот.

(Sünen-i İbn Mace, 10/347)

 

Ал кезде үммөтүм, жакшысы да, жаманы да баары эч көрбөгөндөй нематтар менен сыйланышат. (Kitab-ül Burhan Fi Alamet-il Mehdiyy-il Ahir Zaman, б. 16)

 

Анын (Аз. Мехди (ас)дын) убагында адам бир канча ууч урук таштап, 700 ууч түшүм алат. (Kıyamet Alametleri, б. 164)

 

Анын убагында агып жаткан суулар да суусун көбөйтүшөт. Аз. Мехди (ас) казыналарды чыгарат... (El Kavlu'l Muhtasar Fi Alamatil Mehdiyy-il Muntazar, б. 36)

 

Сөзсүз ал кезде мал-мүлк көбөйүп суудай агат, аны эч ким (барктап) кабыл албайт. (Ölüm-Kıyamet-Ahiret ve Ahir Zaman Alametleri, б. 464)

 

... Жер ичиндеги боорлору болгон алтын, күмүштү сыртка учуруп ыргытат... (Kıyamet Alametleri, б. 197)

 

Жана Мухаммед үммөтүнүн жүрөктөрүн байлык менен толтурат жана адилеттикти аларга жайгаштырат. Ушунчалык даражага жеткендиктен, бир жарчыга «Кимдин муктаждыгы бар болсо мага келсин» жеп жар салышы буйрулганда, бир кишиден башка эч ким келбейт. Ал киши сурайт. Ал болсо «Казыначыга бар, сага берсин» дейт. Ал болсо «Аз. Мехди (ас) жөнөттү» деп айтып, казыначыдан күчү жетишинче мал-мүлк алат. Бирок кийин бушайман болуп «Мен баарынан көбүрөөк муктажмынбы, эч ким барган жок, мен бардым» деп алган мал-мүлкүн кайра тапшыргысы келет. Анда казыначы мындай дейт: «Биз бергенибизди кайра албайбыз.»

(Ali Bin Hüsameddin El Muttaki, Celaleddin Suyuti'nin Tasnifinden Hadisler – Ahir Zaman Mehdisinin Alametleri, Kahraman Neşriyat, б. 13)

 

(Аз. Мехди (ас) убагында) ТОПУРАК КАЗЫНАЛАРЫН ЧЫГАРАТ. (Mikyaal al-Makaarim том 1, б. 46)

 

(Аз. Мехди (ас) убагында) Топурактын (жердин) ЖАШЫРУУН КАЗЫНАЛАРЫ ЖАНА КЕНДЕРИ чыгат. Адамдар ал казыналарды чындап жер бетинде көрүшөт.

(Bihar-ül Envar, том 52, б. 337; E'qd al-Dorar, б.149; Mo'jam Ahaadees al-İmam Mehdi (a.s), том 1 бет 230 Сахих Муслимден алган.)

 

(Аз. Мехди (ас) убагында) АСМАНДАН МЭЭРИМ (РАХМАТ) ЖААЙТ. ДАРАКТАР ГҮЛДӨРГӨ ТОЛОТ ЖАНА ТОПУРАК (ЖЕР) ЖАШЫЛДЫГЫН жайат.

(Bihar-ül Envar, том 52, бет 316 Khesaal'дан алган; Mikyaal al-Makaarim, том 1, бет 101, 247.)

 

Имам Мехди (ас)дын өкмөтү (руханий өкүмдарлыгы) убагында ЧОҢ КӨЧӨЛӨР КӨБӨЙӨТ (б.а. көчөлөр өтө чоң жана кенен болот).

(Bihar-ül Envar, том  52, бет 333; Mikyaal al-Makaarim, том 1, бет 294 Şeyh Tusi (ar)'нин gaybet'инен алынган).

 

(Аз. Мехди (ас) убагында) СЕЛГЕ ТОЛГОН ДАРЫЯЛАР БҮТ ТАРАПКА АГАТ ЖАНА СУУ БААРЫ ҮЧҮН КОЛДОНУЛА АЛА ТУРГАН жана түрдүү болот.

(İküddürer, бет 149; Muntakhab al-Asar, бет 157)

 

Ал кезде (Аз. Мехди (ас) доорунда) БОДО МАЛДАРДЫН САНЫ КӨБӨЙӨТ жана адамдар алардан эң көп пайда чыгарышат.

(Tarikh maa Ba'd al-Zuhoor, бет 772)

 

Замандын Имамынын (Аз. Мехди (ас)) куту себептүү ЖАКШЫЛЫК МЕНЕН НЕМАТТАР ЭСЕЛЕНИП КӨБӨЙӨТ.

(Muntakhab al-Asar, бет 157)

 

Ал доордо (Аз. Мехди (ас) доорунда) ДЫЙКАНЧЫЛЫК МЕНЕН АЙЫЛ-ЧАРБАСЫ МҮМКҮН БОЛГОН ЭҢ КӨП ТҮШҮМДҮ БЕРЕТ. БИР УРУКТАН 700 ДАН АЛЫНАТ.

(Бакара Сүрөсү, 261-аят (2/261- Мал-мүлктөрүн Аллах жолунда сарптагандардын (кайыр-садака кылгандардын) мисалы жети башак байлаган, ар бир башагы жүздөн уруктуу жалгыз бир уруктун мисалындай. Аллах каалаганына эсе эсе көбөйтөт. Аллахтын (берешендиги) көп, (Ал баарын) билүүчү.) E'qd al-Dorar бет 159; Al-Malaahem wa al-Fetan, Бөлүм 204, бет 97)

 

 

БАЙЛЫК БОЛУШУ

 

Үммөтүм арасында Аз. Мехди (ас) чыгат. Аллах аны адамдарды бай кылуу үчүн жөнөтөт. Үммөт нематтарга бөлөнөт, жаныбарлар көп көп жеп ичишет, жер жемишин чыгарат, мал-мүлк деңгээл менен берилет. (Kitab-ül Burhan Fi Alamet-il Mehdiyy-il Ahir Zaman, б. 15)

 

Аллах анын (Аз. Мехди (ас)дын) колу менен жакырчылыкты кетирет жана Мехди Дамаскка түшөт.

(Kitab-ül Burhan Fi Alamet-il Mehdiyy-il Ahir Zaman, б. 66)

 

Жана Мухаммед үммөтүнүн жүрөктөрүн байлыкка толтурат жана адилеттикти аларга орнотот. (Ali Bin Hüsameddin El Muttaki, Celaleddin Suyuti'nin Tasnifinden Hadisler – Ahir Zaman Mehdisinin Alametleri, Kahraman Neşriyat, б. 13)

 

Мухаммед үммөтүнүн көңүлү байлыкка толот.

(El-Kavlu'l Muhtasar fi Alamatil Mehdiyy-il Muntazar, б. 20)

 

 

МАЛ-МҮЛКТҮН САНАЛБАСТАН БЕРИЛИШИ

 

Акыр заманда бир халифа (Аз. Мехди (ас)) (руханий лидер) болот, мал-мүлктү санап эсептебестен таркатат. (Kitab-ül Burhan Fi Alamet-il Mehdiyy-il Ahir Zaman, б. 15)

 

Амирлериңерден бир амир (Аз. Мехди (ас)) болот, мал-мүлктү санабайт. Бирөө андан мүлк сураганда, «Ал» дейт, ал болсо кийимин жайат жана ал аны толтурат. (Kitab-ül Burhan Fi Alamet-il Mehdiyy-il Ahir Zaman, б. 15)

 

 

ЖАМГЫРДЫН КӨП ЖААШЫ

 

Ал (Аз. Мехди (ас)) жер жүзүн адилеттикке толтурат. Жер жемишин берет, асман болсо жамгырын жаадырат. Үммөтүм мурда болуп көрбөгөндөй нематтар менен сыйланат. (İbn Ebi Şeybe, т VII, б. 512-513; Ali Bin Hüsameddin El Muttaki, Celaleddin Suyuti'nin Tasnifinden Hadisler – Ahir Zaman Mehdisinin Alametleri, Kahraman Neşriyat, б. 35)

 

(Аз. Мехди (ас) убагында) асман жамгырынан эч нерсе аябайт жана жоомарттык менен мол жаадырат. Жер жүзү өсүмдүктөрүнөн эч бирин кем кылбайт жана сөзсүз аларды толук өстүрүп чыгарат... (Saati, H 143, т. XXIV, б. 50; Ölüm-Kıyamet-Ahiret ve Ahir Zaman Alametleri, б. 437)

 

Анын (Аз. Мехди (ас)дын) убагында үммөттүн жакшылары да, жамандары да эч болуп көрбөгөндөй көп нематтарга жетишет. Көп жамгыр жааганына карабастан, бир тамчысы да текке кетпейт, топурак жалгыз урук сурабастан өндүрүмдүү жана берекелүү болот. (El-Kavlu'l Muhtasar fi Alamatil Mehdiyy-il Muntazar, б. 20-21)